2014年10月25日

何謂左膠FAQ

何謂左膠FAQ

有大陸網友問到,我們口中常提到的「左膠」究竟是指哪一類人?我自己搜了一下,卻沒有找到任何一篇「簡單而清晰」的文章能夠掃盲——大都長篇大論,而且往往只是寫給本來就熟悉本地社運情況的人士。我嘗試儘量簡潔地用我自己的角度來寫一下,自己當是FAQ。
============================

「左膠」泛指近年香港一批以「社運人士」面貌出現 (這確實也是事實),在過去數年曾經多次以「領導者」身份主導著各種社運、示威等抗爭活動。
他們早期確實有貢獻,但很快大家就明白:這是一群失敗主義者,他們多年以來,從來沒有任何成功的例子。他們特愛主動結束集會,扼殺了多次理應有更好結局的行動。
他們主要手法可以看看附圖,此圖總結得很好。圖中人物也是「左膠」的幾位標誌性人物。
至於何以稱這堆人為「"左"膠」,因為這堆人大都以「左翼人士」自居。



2014年10月19日

夜遊旺角 廉宜DIY防蚊護臂

夜遊旺角 廉宜DIY防蚊護臂

最近出旺角行夜街,好容易比d蚊係咁針。前晚開始好多人嘗試整防蚊護臂,當然你可以出錢買現成,但以下係一種大家能用極低成本,並無購買難度既物件,DIY既一種方式,至少係多一種選擇。

唔好講咩難睇核突,依家你唔係去玩cosplay。以下照片只係即時示範,大家可以按照自己實際試出黎既結果去自行修改。記住:依家呢個係一個低成本「粗用」既手段,目的係容易快速製作同隨時補充,而且係多用途既

所有材料均可係街頭任何十蚊店兩蚊店買到。

1) 材料:兩塊一個個窿呢種軟身防滑膠墊,通常一塊(一卷)只足夠一隻手臂、魔術帶或者粗橡筋。對摺一下(變成狹長方型),直接捲上手臂。然後用魔術帶或者粗橡筋一套就完成。
總成本:一包魔術帶/粗橡筋$10以內,一卷膠墊約$15,兩片即約$30,合共$40蚊左右。

2) 試驗發現其實每隻手只需要一條黎固定就足夠。如果用魔術帶:最好買到果種「一帶兩面」既,比較難買。如果只能買到尋常分開陰陽面既,可以用下圖方式預先做好兩條。至於長度,你地自己一試就會明白需要幾長。

3) 或者用粗橡筋 (雜貨鋪/兩蚊店賣$10一包),效果非常良好,非常方便,不過唔好睇。
所需長度提示:放鬆狀態下,剛好套到自己手臂大約3分1位置就差唔多。建議寧緊不宜鬆。

個人小小心得:膠墊可以摺成稍稍「梯型」先捲上手臂,因為可以考慮防埋手踭、而又唔妨礙關節。


最後再強調一次:呢個護臂,我係整出黎防蚊叮蟲咬既啫。
I now recap in English. This pad is for avoiding bugs only.