2017年12月16日

旅程後備現金存放研究

旅程後備現金存放研究

又係眼睛想旅行時間。
之前示範過藥筒放錢範例(當時用得果定),但係其實唔係太有用,因為只能放好少既錢,因此只適合用黎放少量「最終救命錢」,唔足夠。
而我今次係示範另一個範例。請先搞清楚,我並唔係係度教大家「用某一件"指定既"物件」黎做呢件事;我一直想教導既, *係一套心法、一套思路* ;而唔係直接叫你「用乜野object」去做。



我今次用既係呢個眼鏡盒。事實上我用呢個並唔完美,只係用作表達"思路":我所希望既係,假如你地都覺得自己有相同需要 *(係旅途中,需要放一定比率既現金在行李(酒店),而唔會帶晒全部現金出街)* —— 有d人會認為冇呢種需要,我唔爭辯 —— 你地可以按照呢套心法、呢個思路、係你地手頭上,搵出適當既物件黎做。

假如只係單純「搵個地方塞到舊錢入去」既話,使撚講咁多咩;但依家要預防既唔係扒手,亦唔係打劫或者搶手袋,而係放係房間無人Attend既行李。可以係酒店員工、可以係爆你間房既賊。

其實個大原則同「得果定筒」並無分別:當一個賊能夠搵到機會巢你既行李時,佢仍然唔會注意你放錢既地方。
心法就係:要放係一個,即使個賊見到、摸到,佢都唔會諗你係放錢係入面。要當個賊見到時, *佢以為自己知道呢舊係乜野* ,而且對佢唔會有興趣、唔值得花時間去打開睇下佢。唔能夠令佢聯想到呢舊野入面會有值得去偷既貴重野。唔能夠令個賊感到好奇:放果舊野係果個地方,係「唔自然」既、顯得格格不入既。

舉幾個例。如果係你行李入面見到一個銀包,咁係賊都會去打開佢。如果佢見到有一個散紙包、或者係任何"general pocket",即係一個冇明顯用途既小袋,佢會好奇。例如你同我一樣有個放雜七雜八既旅行用品袋,但係入面寧寧叮叮有個信封,又或者無端端塞左個DVD盒係入面,係人係賊都會好奇。呢d就係「格格不入」。例如本來求其搵隻襪,塞堆現金入去包住,呢個idea唔錯;但係你偏偏就咁將「果一隻襪」(係,仲要得一隻)塞係一堆電線呀、叉電器呀、電池呀堆野入面,呢種就係格格不入。

因此其實我係本例裡面用既「呢個眼鏡盒」並唔算完美,因為佢既外觀可能會懷疑係名牌貴價眼鏡而會去打開望望。但係用黎表達我既思路已經足夠,因為事實上我可以用平凡、唔搶眼,卻又一望就知係「眼鏡盒/眼鏡套」,只係即時囉呢個黎示範。

我再重申一次。我 *唔係* 係度教你「用咩黎裝錢」,而係講述緊心法同思路。而各位假如認同呢個需求,應該按此而搵出自己身邊擁有而又適合、至少你自己覺得順手既物品。

唔講唔講還需講。講一d我認為適合作此用途既物件:
- 使立消鐵盒 (呢個真係近乎無敵,記住係鐵盒)
- 一包包既香口膠袋(個袋口有seal果種)
- 藥/急救用品盒,例如一個size剛好既藥水膠布紙盒,外觀一定要一睇就知係藥或者呢類用品
- (前面提過) 襪,要放返係其他襪呀底衫褲呀一齊
- (女人專屬) M巾 (要原裝品牌包裝一望即知係M巾,而唔係獨立既"M巾袋")
- 煙盒(零售紙盒,唔係講金屬煙盒)
- *唔‧好‧諗‧撚‧埋‧d「挖空本書放係裡面」之類on‧柒‧鳩‧弱‧撚‧智‧既‧古‧靈‧精‧怪‧做‧法* (好多台灣傻閪專門教人做埋呢亭低B野)
- ……你地應該能夠搵到任何你地自己手頭上已有、而又更適合既其他物件。

記住「心法」更重要。搵到乜野黎裝,囉黎放係個袋入面,自己對住佢幻想自己係做賊,見到摸到會點諗。

✩✩✩✩✩✩✩✩✩✩✩✩✩✩✩✩✩✩✩✩✩✩✩✩

最後離題講一件具體既產品: *折疊衣架* ,對旅行者黎講簡直係神物。最好同時擁有一條橡筋繩。

呢樣野我好耐之前係果d兩蚊店見過,以前覺得係典型大陸產垃圾。後來外遊時係外面先發現呢種衣架幾咁有用,卻已經完全唔見晒,最後要特登走去淘寶。他媽的買完返黎無耐,就發現忽然無論兩蚊店五蚊店定DAISO都湧晒出黎。
Yes,依家你去d濕鳩兩蚊店或者雜架攤都買得到,唔使淘寶。

2017年10月1日

「愛國不愛黨」圖言

「愛國不愛黨」圖言

趁今天10月1日,發一篇應景的舊文來贈贈興。這是特別為圖言而修訂的一份簡短版。原文(2013.03.06):
http://blade-master-hk.blogspot.hk/2013/03/blog-post_6.html


「愛國不愛黨」是不成立的

假如你「不愛黨」,那你愛的就肯定不是1949年才誕生的《中華人民共和國》。因為《中華人民共和國》由始至終都只屬於共產黨而不是人民,「黨國不分」確實就是它的現實。你如果不愛黨,那就絕不可能會愛現在的中華人民共和國。而「沒有共產黨的中國」確實存在,就是《中華民國》,即是台灣。但你們卻又不見得愛中華民國/台灣。
「中華人民共和國」本來就不是你腦海中的那個「中國」,事實上你心中在愛的,是所謂「中華文化」,而非「國家」。你腦子裡的那個「源遠流長的中國」,其實不曾真正存在過;出現過的,是一堆個別、斷續、甚或同時存在的帝國們。你們腦子裡面那套初中水平的史觀,一直都是錯的。

你還說自己「愛國不愛黨」嗎?

[如何反證我的說法?] 假如有一日,中國共產黨竟然成功「和平演變」而非被推翻,變成大家一直期待中的「民主自由中國」,那我的論述就會宣佈錯誤。



2017年9月28日

蛆蟲論2017

蛆蟲論2017

我大概早在2013年左右就認為,單是「蝗蟲論」已經不足夠。「蝗蟲」主要還是跟外在群體行為掛勾;而對於許多牆民的那副精神面貌,我以「蛆蟲」來說明之 (最初期我是用「蛔蟲」,後來覺得應該是蛆蟲才對)。數年以來都沒有把這個製圖以便流傳,卻注意到,許多網民都已經紛紛使用諸如「支蛆」這類型神俱備的稱呼了。

(我的《蛆蟲論》隨著時間,內容稍有變化。)
自己活在屎坑裡,卻嘲笑外面的人類沒屎食,會餓死;其實你們除了能夠噁心一下人之外,也就只能繼續在屎坑裡面食屎。
屎坑外面的人類避你們,不是因為害怕你們或者妒嫉你們,而是你們實在太臭,還令人非常噁心。



2017年9月27日

就係中意睇佢陷家剷呀

就係中意睇佢陷家剷呀

咦?乜你班撐政府、親建制既中老廢坑,依家忽然會反對「落井下石,不斷追擊,置人於死地,係要佢陷家剷先安樂」既?
你班中老廢坑乜唔係最支持呢種事、拍晒手掌既咩?



「支那」是對中國的蔑稱嗎?

「支那」是對中國的蔑稱嗎?

『支那乃日本對中國的蔑稱』這個本來就是中國人自己製造的謊言。而華人(不只大陸人)普遍也就只有豬一樣的邏輯思辯能力,小時候聽人家說甚麼,他們就會終生堅持以為那是絕對的事實。

「支那」從來都不是「蔑稱」;『支那豬』這種才是,但那不表示支那二字是侮辱。假如現在有人罵你『中國豬』,當然是貶意,但是你會不會因此說「中國」就是侮辱、是蔑稱,不準人家再說「中國」二字?

我想不到2017年我還需要寫這等小學程度的說明。


香港仍未獨立

香港仍未獨立

敬告各位
香港仍未獨立
溫馨提示:發言莫違基本法


依家又涼唔撚涼薄呀?

依家又涼唔撚涼薄呀?

敢問你班打靶老野、中老廢坑
依家又涼唔撚涼薄呀?
依家又涼唔撚涼薄呀?
定係你班陷家剷見到簡體字即刻唔敢出聲呀?
其實香港最撚無用,最應該死柒左去既,就係你地呢班中老廢坑囉。野又唔撚識,又唔知自己幾撚無知,居然仲以為自己有資格「教訓」後生仔?你地死柒左佢,香港就有光明喇。


接受現實吧,支那豬!

接受現實吧,支那豬!

台灣確實就是個獨立主權國家,不論你叫它台灣、還是叫它中華民國。
人家再不濟,也還輪不到你們支那豬們說三道四。
自己活在屎坑裡,還想嘲笑外面的人類沒屎食,會餓死;其實你們除了能夠噁心一下人,也就只能繼續食屎。屎坑外面的人類避你,不是因為害怕你,而是你實在太臭,還噁心。


有這樣的一群畜牲

有這樣的一群畜牲

香港有這樣一群畜牲,平時看到有年青人輕生,就口沫横飛、態度輕挑、盡情挖苦:
「依家d細路真係冇x用」
「咁唔捱得死x左去啦」
「郁d就要死,正垃圾」
「呢d廢青真係唔死冇用」
「早死早著」
「咁矜貴既咪再投過胎囉」

不過呢,一旦遇著是狗官、權貴死了兒子,這些畜牲就會忽然跟你大談“口德、涼薄、歹毒、冒犯”云云的了。
呵呵呵。



2017年9月15日

【十校長聲明 相關答問FAQ】

2017.09.15
【十校長聲明 相關答問FAQ】

(逍遙神父按:為了及時給大家提供彈藥,本文寫得很急趕,往後會作出修訂,或整理成「簡短版」等等。請隨便copy & paste或自行修訂作適合自己的用途)

(按2:「簡短版」已整理,放在本文之末。)


一、十校長聲明不支持港獨
一間學校的 校長不支持某種思想(例如港獨),並不代表學生就必需要跟隨他的意願。 區區「校長」,無權控制任何學生,對某項議題提出任何想法。
舉個例,某位王校長自己不贊成同性戀,學生絕不需要因此就必需站到同一立場、或者就不可以提出他支持同性戀的意見、以及任何相關討論。更不可能因為王校長自己不贊成同性戀,學生們就不可以張貼相關的標語。


二、違反基本法
違反「基本法」不是甚麼可恥的事情。 「基本法」或者「憲法」不是甚麼天條或者「神的話語」 ,所謂憲法從來都是可以修改的,當然港共狗官奴才們不喜歡的時候,就會公然欺騙市民,說「基本法不能修改」;假如你相信,代表你的智力低下即使不談港獨不港獨,只要在滿足一定條件時, 基本法本來就是可以被修改的。 多年前有關「港人非婚生子女」問題時就討論過是否修改基本法。
某件事情在今天 即使真是「違反基本法」,絕不代表就必需閉咀不能說。只要是有需要,更應該大說特說,大討論、大辯論。許多人的奴性深植在其人格認知裡面,容易給狗官一說,他就馬上覺得那些事情「連說也不可以」。


三、犯法行為不能討論或改變
「違反基本法(或憲法)」也跟一般說的「違法」是兩碼子事。當然絕大部份所謂的「成年人」對此一無所知、卻不懂裝懂。
我就是退一千萬步, 那怕是一項確實違法的行為,亦絕非「不能討論」 、或者一提起,某些人就要目露凶光、張牙舞爪。舉例說,行賄、爆竊是犯法的。但是即使我提出希望「行賄合法化」「爆竊合法化」並作出討論, 都絕不違法 。我特意拿這兩個「任何人都知道犯法、亦幾乎不會認同的行為」來作比喻,就是要大家明白「犯法行為」和「能不能討論/改變」兩者的分別, 不要傻傻的掉入特區政府狗奴才們用心設立的陷阱。
何況,讓我再重申,就是有人要提倡「香港獨立」也根本不犯法。


四、言論自由被濫用
「言論自由」本來就是針對「公權力」的東西 ;它所保障的,偏偏正好就是像現在的這種情況。現在的這堆所謂「校長」以及特區政府一眾奴才狗官們的所作所為,正正就是「打壓言論自由」的活生生例子。
大部份成年港豬愛把「言論自由」掛在口邊,可是偏偏絕大部份所謂成年人,其實屁兒不懂「言論自由」所針對的、所保障的究竟是甚麼。
「言論自由」保障的,是個人言論不會受到公權力一方(簡單來說就是政府)的打壓、攻擊和報復。 為甚麼是針對公權力?因為個人的言論對於其他「非政府」的個人/機構,本來就有其他「法律」來限制。例如無論是哪個國家,也並不表示你可以指罵某個人是「殺人兇手」、或者某間餐廳的食物「會毒死人」 —— 這些本來就有類似「誹謗」一類的法律來限制「言論自由」保障的,是你批評政府,並不需要擔心因此就會有警察因為這件事而抓你、然後利用法律來「治你」。
對,這也就是為甚麼說鄰國「沒有言論自由」的基礎。


----------------------------------------------------------------

【十校長聲明答問FAQ (簡短版)】
 「校長」不支持某種思想(例如港獨),並不代表學生就必需要跟隨他的意願、按照他的那一套想法。區區校長也無權控制學生,不能對某項議題提出自己的想法。
「違反基本法」和一般所謂違法/犯法是兩回事。「基本法」或者「憲法」不是甚麼天條,憲法從來都是可以修改的。即使某件事情違反基本法,亦不代表必需閉咀不能說。既然是有爭議性的,更應該大說特說,大討論、大辯論。
那怕就是某項確實違法的行為,亦絕非「不能討論」。 舉例說,即使我提出希望「行賄合法化」「爆竊合法化」並作出討論,都絕不違法。何況,談論「香港獨立」本來就不犯法。
「言論自由」本來就是針對「公權力」的東西。在談論這些問題而說「言論自由被濫用」本來就是偷換概念,居然還是大學校長說出這樣低級的指責。



2017年9月10日

逍遙神父Facebook專頁

逍遙神父Facebook專頁

曾經早在2013年,嘗試開設facebook.com上的專頁,跟Google Plus同步發文。當時試驗後發現根本無辦法方便地在兩邊同時出帖(當時是有試過一些聲稱能辦到的工具),遂放棄。

人的心態是一直在變的。我自己也曾經是大中華膠呢。從現時開始,我期望能夠盡盡綿力,給香港的年青人提供多一點的「彈藥」;我會嘗試多做「圖言」,因為任何人都明白,「圖言」是相對最經濟而有效的兵器;這個顯淺的道理我明明知道了許多年,但過去多年來幾乎沒怎樣做過(是有的,極少),總是有一些心障,覺得自己做的難看核突又老土;而以往確實也許多做圖的高手,實在也輪不到我出來拉低大家的水平。
但是時而勢易,到像如今這樣的境地,還要去在乎手上不多的彈藥,那些彈殼磨得不夠光滑嗎?

十年前左右,我主力在打五毛;現在,我決定主力打擊的是「大家身邊」的那些畜牲中老廢坑。這一類畜牲將是我往後的中期打擊對象。這些敵人當中,很大機會包括你們的「同事」,很多所謂「親戚」,甚至是你們的父母。當然我也會希望更多人一起打擊這些目標。我一些朋友經常說我「落後」「落伍」,不過事實是,我常常走前別人好幾年。部份有幸被流傳過的blog文,往往還是發了好幾年之後才忽然被轉發的。回想起十年前我不斷打毛、還跟"當時的"一些朋友說,叫他們預早準備,將在香港戰場上湧現的五毛。他們還取笑我,說「不會的,"這裡是香港",不會有五毛出現的!」。

為此,我重新拿出丟著很久的facebook專頁出來,因為要供應彈藥給更多的年青人,首先就不能要他們花時間從前線上分心、跑去(對他們來說)不方便的Google Plus去找、去抄、再去貼。為此,我願意跑去我極之討厭的facebook.com去貼圖,但是這需要許多人幫手,有空要幫我share到那些需要彈藥的地方(和戰友);否則放到facebook上去也只是電子垃圾。


"逍遙神父" Facebook專頁
https://www.facebook.com/644676712218643/


謝謝大家。有空還請多多share。


2017年9月9日

涼薄,沒口德?你地吔屎啦

(神父按:本文用字、口吻以及部份切入點,跟我一貫文章稍有不同,因為撰寫本文的原始意圖,是寫出來預備給大家copy & paste轉貼的。我相信有許多網友們,身邊存在大量口德村村民,亦未必敢於馬上撕破臉來跟這些村民直接PK;但是「轉貼」則好做得多。建議直接copy內文之後自己貼,而不要轉link。)

--------------------------------------------------------------------------

涼薄,沒口德?你地吔屎啦

換上抽氣扇旗二十年,香港許多所謂「成年人」已經不懂得甚麼叫"說人話"了。

一頭揭力染紅毒害香港學生和校園、作惡已久的狗官,還是乜叉防止自殺委員會委員會,自己親兒跳樓死,大家慶賀「現世報」。然後看著那些豬一樣的廢中廢老廢坑們紛紛指罵年輕人"涼薄"云云,還有一頭豬校長居然爬出來"恐嚇"貼標語的學生,會看CCTV"調查"要人退學云云。也有一些明知道港共狗官的下賤,卻選擇去"同情"這些狗官的人,大說甚麼「禍不及妻兒」,真是可笑。

要說"涼薄",香港地又有誰及得上那群豬一樣的廢坑們涼薄、賤格、卑劣呢?當年輕人被畜牲警察們用武器打得頭破血流、踢倒在地頭臉壓向水泥地時 (這些畜牲狗警還是出著官糧來打年輕人的呢),這些中老廢坑豬隻們說甚麼呢,「呢d廢青比人打死晒就啱喇」「係美國你地比人開槍啡死晒喇」「成班仆街仔咁中意訓街丫拿」—— 這些中老廢坑好意思跟人說"口德"兩個字?
要說"涼薄",是哪一群打靶廢坑,平時看到有年青人輕生,就態度輕挑、口沫横飛、盡情挖苦,「廢青真係冇x用」「依家d細路唔捱得」「郁d就要跳樓死」「唔死冇用!早死早著啦」「咁矜貴既咪投胎投個有錢佬囉」—— 呵呵呵,一旦是狗官權貴死了兒子,這群畜牲就急急爬起來華麗轉身,大談"口德"了?呵呵呵。
要說"涼薄",這群天天歌頌某強国的中老廢坑們,怎麼不敢談談最喜歡「喪事當成喜事辦」的某国"涼薄"?

看看每逢那些親建制撐政府、「愛國愛港」的畜牲中老坑們躝出來喊打喊殺、動手打人 (最後都會被黑警放走。你不信,只是你無知) 的那副下賤咀臉?居然還會有一些「所謂成年人」,看見這些垃圾時就沉默是金;卻來指責那些一直被打壓、頂多也只能上網寫寫字"慶賀"一下來泄憤的年輕人"涼薄"?
你們究竟還是不是人類?
你們究竟那來的自信,發出這些放屁一樣臭的批判?
這些狗官們一直在茲意殘害年輕人、殘害香港(不過你們假裝看不見)、還敢佔著話語權爬出來公然羞辱香港人的時候(看看袁國強這頭食屎狗?),這些所謂「成年人」有膽站直身子來罵這些狗賊們"涼薄"嗎?

至於那些傻到說「禍不及妻兒」的人呢,我就引用一段2012年的舊話就足夠了。

『在華人社會,根本沒有「禍不及妻兒」這回事。你試試得罪權貴,看看那些貴人們,又會否給你「禍不及妻兒」,放你的家人一馬?禍不及妻兒這回事,從來不曾在中華文化裡面出現過。不要天真了。』

説「禍不及妻兒」的,敢不敢跟我談談劉霞?





(最後再重申一次:請直接copy內文來貼,而不要轉link。轉link牠們不會看的。)

《含淚勸告共奴港奸勿忘報應詩》


《含淚勸告共奴港奸勿忘報應詩》

官運難躲現世報,
校長喚,局長呼,
感謝關心,望給予空間。
黨媒戲子幕前哭,
縱做鬼,也幸福。
生涯規劃要迅速,
防自殺,普教中,
國民教育,吾兒死也足。
只盼墳前播紅歌,
賀國慶,普送終。


(原 [江城子] )
天災難避死何訴,
主席喚,總理呼,
黨疼國愛,聲聲入廢墟。
十三億人共一哭,
縱做鬼,也幸福。
銀鷹戰車救雛犢,
左軍叔,右警姑,
民族大愛,親歷死也足。
只盼墳前有屏幕,
看奧運,同歡呼。

2017年9月7日

渡假勝地研究(四小時圈)

渡假勝地研究(四小時圈)


今次放這個地圖是甚麼意思呢?
是咁的
較早前跟人談起,為甚麼我去泰國會一去再去?Short answer就是,就我目前的綜合條件,泰國是我目前能找到最適合我的,可以一去再去的"渡假"目的地。
但是我今天 不是 要跟大家說泰國旅遊特輯,我不是胡慧沖。倒是我想籍由這個問題,來給大家打開一些新思路。

首先我得說明,本篇說的是那種 輕鬆的假期;那種你可以經常、反覆去,也不會一次就消耗你全年大假、成本不會太令你吃緊 、也不需要你花許多時間計劃和做功課、或者跑去傷春悲秋發思古幽情、回香港大嘆唉原來人真係好渺少…的那種輕鬆假期。

為甚麼我會在地圖上畫上這樣一個大圈?
我畫出來的這個大紅圈,可以叫做「四小時圈」。意思是從香港出發,大約四小時的航班大概能去甚麼範圍 (實際上飛機的航線不是真的直線;不過我們只是輕鬆研討)。為甚麼是四小時?這裡有兩個基本原因。

1) 以悠閒、渡假的情緒來出發的話,其實四小時的飛機,某程度上已經算是極限了。我這裡說的是綜合因素。包括心理上的接受能力、來回兩程加起來的佔用時間相對「假期」裡面的比例等等。舉個例,你隨便放一個共4D的假期,但是你來回得耗掉26小時在飛機和轉機上,這樣的假期好嗎?

2) 假如我要畫這個圈,我 必需要把「東京」也列入這個圈裡面 。因為那怕你自己是討厭日本,你都 不可能否定 日本是香港人極愛也極熱門的渡假地點。假如我開帖說渡假勝地研究,卻不包括日本,我自己都說不過去。而我拿「東京」來作為日本的代表,相信沒人可以表示異議。

因此,可以看到許多有趣的事實。

例如,今天我跟你說「我明天又去東京了」,你會覺得那是很稀疏平常的一件事,亦根本不會覺得去東京是一個多麼遙遠的地方;但是讓地圖說話:由香港去東京,其「理論距離」,基本等同你飛哈爾濱、新疆、印度、甚至是蒙古國了。就這一點,其實已經打破許多人(包括我自己)的尋常認知。
就是為了遷就日本/東京,在South West Asia包含了一大片區域。簡單來說包含了整個東南亞的國家,而那裡面在我們的尋常認知裡,都是"應該"比日本要遙遠得多的鬼地方來的……

[以下追加]

本來係想將圈裡面大部份國家都寫一寫,冇時間。
先就大家提及幾個係咁易講一講個人睇法,再重申,個人睇法

越南:有潛力,但幾個嚴重問題,首先簽證,無論費用定係時間都係擺明係度趕客。第二點更"核心",就係當地治安、政治、人文既綜合氛圍,仍係令人無法「放鬆」既,人在街頭完全唔會熄sensor。

日本:其實日本已經變成「便宜」既渡假地方,只要唔升返十算,機票同住宿既"理論價錢"其實已經同泰國之類差唔多。但問題係呢個只係"理論價錢"。具體d講你有錢,出得起兩三千蚊住一晚既話你要隨走隨飛冇話唔得,但任何比較便宜既住宿往往要提早好多個月book定(機票反而唔使)。

台灣:雖然台灣"簽證"幾乎係anytime就得既程度,但始終令你有一層擔心。另外台北 (注意,我特指台北市) 既住宿實際上係 仲貴過日本 ,性價比極低。不過其他方面補返數。

新加坡:其實聽落「去新加坡渡假」係一件好odd既事,不過我會話,其實假如我好有錢 (至少係離地中產),咁我先會去新加坡"渡假"。但係經典矛盾又黎喇,假如我真係有錢又唔想飛太遠,我點解唔去日本?

馬來西亞:我冇去過。但唔少人都會揀吉隆坡,檳城。因為我冇去過,姑且放係度做參考。

柬埔寨:無論吳哥窟定赤柬,似乎都同此帖主題「輕鬆渡假」沾不上邊;不過其實鬼佬們正在嘗試將暹粒市「馴化」成另一個「鬼佬式渡假熱點」,且看十年後佢地成績如何。
(「鬼佬式渡假熱點」者,望下曼谷考山路、芭堤雅、胡志明市范五老等地)

菲律賓:本來列入「講都廢事」區,不過唔明好多台灣佬好中意去。有人話係因為色情,但係如果係色情點解又唔見港豬中老坑或者大陸佬會去?

寮國/老窩:「講都廢事」區
印尼:「講都廢事」區。排華。
緬甸:「講都廢事」區

2017年9月2日

逍遙劇場:洞襠之戰

逍遙劇場:洞襠之戰


那一晚我跟印度利賓雅相遇。我堅持說,是她先侵擾我的防線,但她卻說是我過了界。

我乘著漆黑,偷偷摸摸找來我的小兄弟,和堅硬的器具,我說我要開墾道路。她說我想開墾的道路,是她的地方;我跟她為此爭辯,我用我的華語、她用她的印度話。我爬過她擋在前方那兩個高山,又越過低谷,穿過灌木叢,來到那個叫「洞襠」的地方;本來那裡只是不毛之地,但看到我的小兄弟和傢伙後,她的洞襠開始滲出溪水來了;我要闖進去開路,她卻迎上來頂著我的兄弟,我前進又後退,又再前進,她也頂完又退,又再頂上來,雙方對持、反覆衝撞。由於我的小兄弟不斷拿兩顆石頭碰她,漸漸她也拿起了兩顆石頭撞我。我們互相拿石頭衝擊,氣氛愈來愈火熱,情況一觸即發。我的小兄弟最後還是忍受不了高原的壓力,到達了忍耐力的極限,大喝一聲,仰天長嘯。我不再強硬,並且開始軟化。我們大家一起後退,但我會說是她先撤的兵。我沒提的是,我最後在她的洞襠,撒下了二百億。

她問我,還想再開墾道路嗎?我喘喘氣,搖搖頭說,不了不了。撒了二百億,雖然不能帶我去世界任何地方,但現在我只想回家!

2017年8月16日

有一些行徑,不應該做,就是不應該做

有一些行徑,不應該做,就是不應該做

即使平時「同路人」之間怎樣嘲笑取笑、怎樣討厭、「路線」立場云云怎樣分歧、甚至爭吵;我也不願意把那些人視作『敵人』。更不會在對方受到這種對待之際,感到一絲一毫的「高興」。

無論說出來有多老土,所謂大是大非我還是會有一定的準則。

有一些行徑,更是在日常生活中,我絕對不會做、更認為大家都絕對不應該做的
就是即使某些人真的不是自己「同路人」、即使在某些具體事件上,你也的而且確很想怒罵這些人,即使在自己人圈子裡面會罵他們;也絕不可以因為你也想罵他們,而去跟【對面那堆真正的敵人、狗賊、畜牲們】一起罵、一起嘲笑取笑。我在說的,可是真真切切在說大家現實生活裡面的場合!
你是清楚知道,這些【敵人】罵他們的原因、跟你罵他們的原因,完全不是一回事。


寫於2017.08.16

2017年8月5日

旅行救命錢存放

旅行救命錢存放

今日既主題係「大隱隱於市」
順便介紹返,第一張圖,我不嬲平時已經預備好,執好ready一袋「出門用品」,例如萬用插頭呀密實袋呀旅行牙擦剃刀綿花棒橡筋繩酒店裝肥皂洗頭水等等一袋過。
第二張圖自己睇。可按照自己創意自行發掘其他方式。可以放既錢唔會多,呢種係用黎放「救命錢」之用
(例如使立消鐵盒都好適合。你搵咩都好,塞落去個袋度,自己審視下諗諗放果舊野係咪「合情合理」毫不起眼定係明顯格格不入。)



唔爭在順便講講呢個「出門用品袋」通常預備d咩。雖然大家成年人唔係小學生去宿營,但係似乎好多人雖然成日出門(包括公司出trip)但係卻永遠唔識預備。以下係我 個人選擇 僅供參考

- 萬國插頭
- 廉價牙擦
- 細牙膏 ( "牙膏"係人在外地最撚煩既物品之一,唔花時間解釋)
- 廉價剃刀 (牙膏牙擦剃刀特登寫"廉價",意思係求其最cheap既就得)
- 一兩個密實袋
- 橡筋繩一小撮 (最常係用黎掠衫)
- 小肥皂+小包洗頭水 (咪就係酒店裝囉)
- 旅行用叉/匙 (成日會用到,唔好問點解)
- 用黎放救命錢既器皿,例如我用"得果定"樽

其實仲有其他小物品,不過太濕碎唔寫。總之呢d最常用又必要既野長期ready一袋過放住係度。到你要出門執野果時,你就會知道一見到呢袋野,個心果份踏實感覺。

2017年7月29日

Macross是一部New Age的Space Opera

Macross是一部New Age的Space Opera

假如、假如真有現在那些NewAge撚口中的「光明會」NWO操控文化xxyyzz的話,假如這些說法都是真的話,那樣,我會肯定的說,作為亞洲區文化影響力最強的日本,在八十年代「創作」的作品《Macross》絕對就是這些NWO操控文化的「證據」之一,而且還是鐵證。

因為只要回頭看,《Macross》絕對是完完全全在文化上超前了二十年以上的東西。它的置入絕對可以列為,給亞太區青少年的「學前預習」。

因為,《Macross》事實上就是一部完完全全的,原教旨水平的 "Space Opera" ——— 請不要小學雞到以為因為有「歌唱場面」所以就叫Opera(許多豬一樣的中老坑就是這樣子) ——— 甚至於要找另一套如同Macross如此原教旨的Space Opera作品,即使在鬼佬世界,都不太容易。

當我們(「我」這一代以至比我年輕的)後來開始接觸那些New Age東東、開始接觸比較「新」一點(相對而已)的那些超文明傳說、假說、說法…的時候;又或者開始接觸那些諸如Monalisa on the moon之類傳說的時候,我們會發現,這一切對我們都並不太驚訝嘛;偏偏我們會發現,這一切東東,對我們來說幾乎全都在《Macross》裡面給我們預習過了。

本來,《Macross》裡面的許多原素,分拆出來說,許多都不太算是很新鮮的東西;但是請認真想想,《Macross》卻是在八十年代初,就已經把那些(現在我們稱之為New Age的)元素,通通全部一口氣"打包"到一部作品裡面。回頭看,絕對不是一件平常的事情。最重要還是,無論是當年乃至現在,我都找不出當時(推出Macross的時候)是否有另一部鬼佬世界的作品,給他們「參照」。
(案例:機動戰士Gundam,在設計和畫面表現上,無從否認存在許多參照Star Wars的元素。但是在Macross的同期,卻並沒有類似的參照物出現)

它在八十年代初,已經告訴大家,整個人類文明本身就是外來的。
它告訴大家,一艘超級巨艦 (體積遠超那個時期整個日本動漫界的認知) 來到太陽系,並且它跟人類文明有淵源。
它告訴大家,一個跟人類在另一條分支上的巨人族。
它甚至可怕到,在八十年代初就告訴大家,一個叫「光子文明」(Protoss) 的兄弟文明。
它告訴大家,人類初期需要倚靠這些兄弟文明的兵器。但是,最關鍵和終極的兵器,流傳在(地球上的)人類文明本身。

只差在整部Macross,還沒有影射Little Grey或者爬蟲類的外星角色而已。








2017年7月6日

唔屌唔鬆化之東橫Inn

唔屌唔鬆化之東橫Inn

呢個Topic我已經不吐不快左好多年,今日終於過左臨界點,直頭要寫出黎屌柒。有關去日本旅行,係都要住「東橫Inn」。
咁講100%會令人誤會;事實上我要屌既並唔係「東橫Inn」本身,而係果d 「去日本一定要住東橫Inn」,而且好似傳銷咁,身邊有朋友同事去日本,佢都好似收左佣金一樣強逼症咁「逼人地跟佢咁去訂東橫Inn」。唔好話你身邊冇呢咁既人呀,冇錯近呢兩三年係少左呢亭人,但係我敢肯定大家身邊果d「日本通」裡面必定有呢亭人。
我真係次次聽到見到都好想對呢d人講,「做乜啫你!」


其實我咁耐以黎,淨係住過一次東橫。不過我深信我絕對有資格同條件寫呢篇野。
講真,我都唔撚明呢亭人諗乜鳩。

東橫Inn好好住咩?唔覺喎!咪就又係最最標準最最典型既「日式細房酒店」囉!我強調,我冇任何不滿,但係非常明顯,係肯定冇任何值得稍為加分之處,None。
東橫Inn D房好靚咩?裝修好靚咩?唔覺喎!細都算,日本間間都細架啦。但係東橫d房雖然話「典型」,但係卻係典型之中屬於相當老氣(甚至係老土)既果一類型喇。我自己當然能夠接受,但係如果你係都要問我,我就會話,真係好撚柒老土。大撚把同一價位既酒店個格調品味比佢in 30年。
東橫Inn好平咩?係,佢算係經濟型,但係其實個價係佢果個階層黎講係好平常好標準,同一價位其實大撚柒把,我已經唔講「平過佢」喇,當係同一價位,根本你就大撚把選擇,冇任何必要局限自己去揀佢。
東橫Inn做埋會員住十送一喎!On撚柒鳩鳩,你無論去hotels.com定Agoda定Booking.com (題外:我個人唔中意亦唔會推介booking.com)唔係一樣十送一就係本身已經最少打九折架啦! *你仲要逼自己住十次東橫?* 你冇野呀下?
東橫Inn服務態度好?喂講呢句你唔笑果下先好野喎。呢句說話,講出黎你地班「東橫fans」自己都笑啦。
東橫Inn包早餐?乜連「包早餐」都可以囉出黎講,你仲好唔好意思呀。何況,唉,先聲明,對於佢地果d「早餐」我本人係好滿意同感恩。但係剖白講講實話,如果你將佢地果d「早餐」囉埋黎做賣點,我係東橫職員我都會覺得唔好意思。等如你為左撐欣兒你搞到要話「欣兒有波」一撚樣。我都唔好意思屌你。
東橫Inn位置好?喂你冇野下?講野諗撚清楚先好講丫厄人未去過日本得你去過日本呀?依家60年代呀?東橫揀d位多數「鬼」撚到無倫,係呀大城市確實會有一兩間比佢揀到好位,不過呢,呢d交通方便既東橫呢,你係永遠訂唔到架。吓?咩話?你話你次次預早半年大半年都book到,係我唔識野?我屌你啦仆街,既然你係有條件預早大半年就book定既,你仲使唔撚使要去揀佢東橫Inn呀?
為左住東橫Inn,你次次預早半年book?
為左住東橫Inn,你次次預早半年book?
為左住東橫Inn,你次次預早半年book?
你話你班東橫fans為乜啫。

2017年6月1日

松板屋

松板屋

提到以前尖東果間 東急 ,有網友唔知香港以前有東急百貨;其實有d唔可能,因為雖然久遠,但一來「東急」名聲一直都好響下,二來即使年紀輕,但東急一直維持到好後期先關門,而且就在尖沙咀,照計點都會知道有間東急…

(按:果個位嚴格黎講算唔算「尖東」見人見智,但係呢個係大家而家既觀念(地區概念會隨時日變化,例如我好細個果時,大家係冇「太子區」呢個觀念,目前大家叫太子既地區,以前一直已經叫「旺角」),返返去果個年代既人去睇,將果個位視作「尖東」絕對無可厚非)
(按2:呢廿年來人人識講「老尖」,但其實呢個字眼最初出現,係用黎同比較新鮮(當年觀念)既「尖東」作出區別;簡單講,漆咸道以西一路到海港城海皮/碼頭呢一邊先係「老尖」,大家自細熟悉既果個「舊尖沙咀」是也;漆咸道以東果塊「新地」叫尖東。)

一講起,我就又想講下日本百貨。而全盛期咁多日本百貨,我個人回憶中最念念不忘既,可能會出乎大部份人意外;就係我最懷念既果間,係《松板屋》
其實我係好難解釋架喇,因為果時我真係仲好細。夾硬要講呢,就係,以我當年一個細路既眼睛同認知黎講, 《松板屋》係幾間入面最令我感覺「異國風情」、最令小孩子既我覺得有「日本味」既一間。 ok我細個當然未去過日本,但係總之,我係會覺得以前銅鑼灣幾間日貨裡面,踏入《松板屋》係會真係令我幻想自己真係去左日本既一間。
(夾硬要搵一間排第二既,就係東急。)
至於呢個印象係出於乜野,我真係答你唔到。我多年以來亦search過無數次,但係就連一張CWB松板屋既內部照片都未曾搵到過。純粹只淨低我腦海裡面既一d回憶既景觀。ok有一樣野可能係導致呢個想法既原因之一,就係印象中,CWB其他幾間日貨,都人頭湧湧非常爆;但係其中《松板屋》會係相對冇咁多人、對比之下令人馬上感到非常舒適。令我覺得松板屋係幾間入面係與眾不同。係佢入面即使小朋友如我,都會感受到係果度係可以輕鬆舒適地用心慢慢逛。呢個印象完全係燒左落我腦裡面,所以我多年以來都無法忘懷《松板屋》呢間野。

因此《松板屋》一直對我個人而言有獨特意義同價值。我無法忘懷既程度係點樣呢,甚至於我舊年去東京, 我係特別、一定要專程返去「日本本土既松板屋」行下 ,係,直頭係果種我會獨立寫落自己行程備忘錄既項目之一黎。呢個直頭已經算係一個小小心願黎!
非常可惜既係,松板屋本身係日本都已經走下坡;東京首都裡面,只淨低上野一間分店,冇得揀。而我仲係神心到晨早食完早餐就過去,去到佢都仲未開門,幾神心。


 

2017年4月3日

電影逍遙談:《攻殼機動隊 2017》

電影逍遙談:《攻殼機動隊 2017》

係,我又趁熱鬧講攻殼電影版。

【前提:本文對象只針對「睇過95版」既毒撚ONLY。未睇過既可以唔使睇本文】

首先不吐不快一定要講左先,唔係鬧套戲,係鬧d人,d寫野講套戲既人;鬧套戲點樣唔跟原作(指95押井守版)、點樣變典型套路,呢d人人都講;我絕對唔係怪人鬧套戲,我怪既係,睇左咁多中港台同鬼佬既review同網文,居然冇人可以直接簡潔一槍中頭地指出,依家電影版究竟將《攻殼95》拍成一套乜野片;而我睇完之後發現,其實使乜寫五百字黎描述依家呢個故事?但係點解咁多人寫咁多篇野,好似冇人發現其實一句就足夠?

荷李活將《攻殼》拍成一套《女版Robocop》。呢句就夠,唔需要再寫500字說明佢同95版個「精神內核」有乜分別云云…。(點解話Robocop?後面有劇透部份)

嗯,甚至呢,如果我係新觀眾 (而唔係我地呢種睇過95版又念念不忘既死毒撚),我肯定仲覺得至少《Robocop 2014》要比《攻殼2017》更「好睇」。因為如果心裡面冇舊版既負擔,單純諗住入場睇一套「科幻動作片」,大概Robocop仲要爽得多。

但係我又唔係果種因此將佢踩到一文不值既原教旨主義者喎。我睇完出黎,係點樣同d朋友報告既呢? 『要入場。單係為左睇佢d神還原鏡頭,都已經值(對我呢類人黎講)』
係,冇錯,個情況撕裂到呢,即使、那怕我將個劇情扣到零分 (坦白講未到咁衰,就算佢係拍左一部Robocop出黎都只算係行貨、典型,唔係零分)、而單單係為佢極有誠意(認真講句,你估容易?)、極度忠實地呈現返 幾乎所有 係95版裡面 每一個 令你無法忘懷既鏡頭、畫面,甚至令你係相信,佢係完全清楚知道原作裡面既果個畫面究竟邊一個細節係令你念念不忘既真正關鍵 —— 我絕對絕對唔係咁低B講素子裸體 —— 單單係為左呢一部份,所贏既分數就已經足夠令我評為「入場」。
我講既幾乎所有,係真係幾乎所有 —— 除左「水都香港」一幕冇拍之外。
(想重溫「水都香港」: https://www.youtube.com/watch?v=MN9VArit7Sk )

你可能覺得我上述既評語「匪議所思」;我嘗試咁樣講:由於我本來入場前就已經對「劇情」打晒防疫針明知佢膚淺化。所以觀影既好多時候,我係「睇住佢個精心重現既畫面,腦裡面就回憶緊95版」。同時亦聲明,事實上即使對於被視為神一樣既95版,由於事隔太久,「95版」之於我(相信對好多人都係),亦本來就已經處於碎片化既狀況。因此,即使係以上述身在曹營心在漢既觀影心情其實都冇乜大礙。

重申一遍我既評語及結論: 不適合95版原教旨主義者。但對於廣大的、相信同我一樣既、其實睇95版已經太耐、其實對95版個「核心主題」云云講真又唔識背返出黎,只記得「好似好勁好深奧咁」、真正無法忘懷既係一段一段碎片化既鏡頭、神一般存在既阿婆吟唱OP、以及OP裡面素子既突起乳頭…… 既正常毒撚黎講,單係入去睇睇荷李活真正第一套成功「神還原」既日本動漫變真人電影作品,我評為淨係睇佢拍出黎既鏡頭已經值回票價。我又估你地唔會爭果一百蚊開飯。
(嗯,都係有d偏心,因為真真正正最先達到神還原既電影,至少應該提《300》或者《SinCity》;但你懂的,對「我地」黎講,美漫個地位邊有得同日漫鬥?)


有一d小細節小部份我仲係想抽出黎講講既,不分先後輕重:
- Scarlett Johansson (自從紅左之後) 其實質素從未回復過《Ironman 2》既水平,直接d講就係佢除左係IM2入面索爆過一次之外 (IM2最後一頭紅髮換上緊身皮製服係走廊剛打低兩個二打六起返身英姿煥發咁向前行既果個畫面,唔好話你會唔記得),往後所有作品裡面狀態都非常差,再無正過。但係今次《攻殼2017》因為要靠特技逐幅執,所以出黎又真係靚返好多張張磨晒皮咁 —————— 但始終仲係無法重返IM2時水準。
- 竟然真係有阿婆OP ("傀儡謠") —— 不過放左落Ending度…
- 唔係扮濫情,真心話:假如佢真係將「阿婆OP」放返去前面果度,我係戲院睇到真係會流眼淚……
- 佢既最佳選擇當然係最好將傀儡謠放返落前面做返OP;而第二志願應該係放Ending credit既時候,同時將畫面割一半同步播返真正既95版OP (類似既做法其實近年西片常做,假如佢肯咁做,效果真係好好多倍)
- 我嫌最後打頭腦戰車太短,亦太急。個節奏係好常見既西片戰鬥,完全唔係95版裡面果種悠長而冷靜既對持。呢度扣返好多分。呢段其他細節例如原作重點刻畫既「生命之樹」佢又改得太膚淺呢d已經有太多人提過。
- 各種經典場景幾乎全部出現,除左原作中「難忘度」極高既三分鐘「水都香港」片段完全冇拍。
- 同早期流出版OP相比,cut走左一個重要鏡頭… 原作95版裡面,開頭「素子之誕生」最後係以一段「輕風吹拂」作結束;而電影早期流出版,呢段係改以「素子睜眼」黎表現。其實感覺同層次就已經比原作跌左一級,但係都不失為極有震撼力既一個shot (假設仍然伴以"傀儡謠"的話)。但係依家正片就連「睜眼shot」都cut走埋。雖然睇過電影既朋友應該會理解佢何以要cut走睜眼鏡頭,但係始終覺得,因此整個「素子之誕生」爭左好多野。



✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦
✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦
✦✦✦✦✦✦✦✦  劇透分隔線 ‧ 其實劇唔劇透都冇所謂啦   ✦✦✦✦✦✦✦✦✦
✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦
✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦✦


重生 >
變成cyborg (企業同政府合作) >
成為戰警 >
政府值入fake memory >
偶有幻像 >
打打打 > 敵人同自身有關 >
尋回過去身份 >
企業阿頭係大boss >
打大戰車 >
殺大佬 (大佬一定要不自量力想反擊) >
你叫甚麼名字?「我是xx,名字叫yyyy」

請問呢套係咪Robocop?     XDDDDDDDDD